Bakıda Mikayıl Müşfiqin qalıqları aşkarlanıb? - SENSASİYALI İDDİA, YENİLƏNİB

Bakıda Mikayıl Müşfiqin qalıqları aşkarlanıb? - SENSASİYALI İDDİA, YENİLƏNİB

Mədəniyyət Nazirliyindən REAL-a bildirilib ki, Fərhad Əhmədovdan bu məsələ ilə bağlı heç bir müraciət daxil olmayıb: “Lakin mediada bu barədə məlumat yaylldıqdan sonra məsələnin diqqətdə saxlanılması, araşdırılması üçün ciddi tapşırıq verilib. Mikayıl Müşfiq Azərbaycan ədəbiyyatının görkəmli nümayəndəsidir. Bu il nakam şairin 110 illiyi dövlət səviyyəsində qeyd edilir və onunla bağlı yayılan məlumat olduqca həssas mövzudur.

Nazirlikdən bildirilib ki, bu məsələyə dair yekun sözü və məlumatın dürüstlüyü barədə hər hansı fikri yalnız mütəəxəssislərin müvafiq araşdırmasından sonra söyləmək mümkündür. 

***

09.30

"Stalin illərində cəzalandırılanların bir çoxunun qalıqlarının uyuduğu Qaradağ rayonunun Puta qəsəbəsində axtarış işləri aparılarkən mən böyük Azərbaycan şairi Mikayıl Müşfiqin qalıqlarını aşkar etdim".

Bunu virtualaz.org-a açıqlamasında məşhur Rusiya milyarderi Fərhad Əhmədov deyib.

Xatırladaq, hələ bir neçə il əvvəl Fərhad Əhmədov Göyçayda kombinat direktoru olmuş və 1970-ci illərdə güllələnmiş atası Teymur Əhmədovun qalıqlarlarının axtarışının aparılması üçün Azərbaycan hakimiyyətindən icazə almışdı.

F.Əhmədova axtarış işlərinin aparılmasında “NKVD” və Bayıl türməsinin keçmiş "ölüm korpusunun" tibbi xidmətinin əməkdaşları kömək edirdilər. Və axtarışlar zamanı hüquq-mühafizə orqanlarının məhkəmə hökmlərini və edam cəzalarını icra etmiş keçmiş əməkdaşları F.Əhmədova Azərbaycanın rəhbəri olmuş və 26 may 1956-cı il güllələnmiş Mircəfər Bağırovun, eləcə də 1937-ci ildə cəzalandırılmış şair Mikayıl Muşfiqin basdırıldıqları yerləri də göstərmişdilər.

Sonralar F.Əhmədov M.Bağırovun qohumlarından biri – sabiq ekologiya və təbii sərvətlər naziri Hüseyn Bağırovla görüşmüş və ona Azərbaycanın keçmiş rəhbərinin gizli basdırıldığı yer haqda məlumat vermişdi. Bununla bağlı hələ keçən ilin qışında, sabiq nazirin özünə istinadən xəbər yayılmışdı. 2017-ci ildə Londonda keçirilmiş genetik ekspertiza – DNK analizi  “NKVD”nin sabiq əməkdaşlarının informasiyasını təsdiq etdi. Tapılmış qalıqlar M.Bağırova məxsus idi. Və Azərbaycanın keçmiş rəhbərinin qohumları həmin qalıqları köhnə Yasamal qəbiristanlığında dəfn etdilər.

Mikayıl Muşfiqin qalıqlarına gəlincə,  F.Əhmədovun sözlərinə görə, o, Qaradağ rayonunda aşkar edilmiş və M.Muşfiqə aid olduğu ehtimal olunan qalıqlar haqda Mədəniyyət Nazirliyinin rəhbərliyinə məlumat verib. Bu ilin 5 iyununda isə böyük Azərbaycan şairinin anadan olmasının 110 ili tamam olub.

Digər xəbərlər
Dünən

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə