Qənirə Paşayeva Avropada Türkiyəyə qarşı bəyanatlara cavab verdi

Qənirə Paşayeva Avropada Türkiyəyə qarşı bəyanatlara cavab verdi

Bu gün AŞPA-nın payız sessiyasının ilk günü Assambleyada “Progress report” və “Türkiyədə keçirilən seçkilər” mövzusunda müzakirələrdə millət vəkili, Azərbaycan nümayəndə heyətinin üzvü Qənirə Paşayeva AŞPA-nın “Azad Demokratlar Qrupu” adından çıxış edib və Türkiyə əlehinə yalanlara arqumentlərlə cavab verib.

REAL xəbər verir ki, Qənirə Paşayeva Türkiyənin seçkilərin müşahidəsi ilə bağlı beynəlxalq missiyalarla uzun illərə söykənən əməkdaşlığa malik olduğunu bildirib.

“AŞPA və ATƏT müşahidəçiləri ilə yanaşı, müxtəlif beynəlxalq təşkilat və parlamentlərindən çox sayda müşahidəçilər 24 iyun seçkilərini müşahidə etmək dəvət üçün olunmuşdu və bizə məlumat verilmişdi ki, Türkiyə rəsmiləri onların Beynəlxalq Seçkiləri Müşahidə Missiyası ilə tam əməkdaşlığını bütün ölkə boyu genişləndirmişdi. Biz bu gün müzakirəyə çıxarılan hesabatda da Türkiyədəki seçkilərdə ümumi müsbət qiymətləndirməni görürəm. Bundan başqa biz bu hesabatla bağlı dəqiqləşdirilməli bir sıra məsələlərə diqqətinizi cəlb etmək istərdik.  Hesabatda qeyd edilir ki, seçki məntəqələrinin köçürülməsi və birləşdirilməsi xüsusi ərazilərdə seçicilərin gəlişini azaltmaq məqsədi daşıyırdı. Bu halı qeyd edən hesabat nəzərə almayıb ki, müəyyən ərazilərdə məhdud sayda seçki məntəqələrinin köçürülməsi və birləşdirilməsinin həyata keçirilməsi seçicilərin azad seçim etmək hüququna mane olan PKK/KCK kimi terror təşkilatlarının səylərinə qarşı yönəlmişdi.  Ağrı, Doğubeyazıtə seçkilərdən sonra müşahidəçilərin bir seçki qutusunun məhv edilməsi PKK/KCK terror təşkilatlarının seçiciləri sıxışdırmaq cəhdlərinin konkret nümunəsidir”, - deyə millət vəkili bildirib.



Qənirə Paşayeva media üzərində məhdudiyyətlərlə bağlı verilən bəyanatlara da münasibət bildirib.

“Mən həmçinin media sahiblərinin siyasi mənsubiyyətinin nəticəsi olaraq media müxtəlifliyi üzərində məhdudiyyətlərlə bağlı verilən bəyanatlar ilə bağlı narahatlığımızı ifadə etmək istərdik. Türkiyədə 1700-dən artıq media və kütləvi informasiya vasitələri var. İfadə azadlığı və informasiya almaq və vermək hüququ Konstitusiya ilə təmin olunub. Bundan başqa, Ali Məhkəmə Avropa İnsan Hüquqları Konvensiyasının 10-cu maddəsinin tələblərinə uyğun müxtəlif və plüralist medianı təmin etmək məqsədilə müstəqil tənzimləyici orqan olaraq tənzimləyici və nəzarət fəaliyyətini həyata keçirir.    Fövqəladə vəziyyətə gəlincə, bu,  terrorla mübarizəda Türkiyənin legitim tələbidir. Bu, plüralist və həqiqi demokratik seçkilərin aparılmasına mane olmur. Seçkilər bir çox ölkələrdə fövqəladə vəziyyət şəraitində keçirilmişdir. 2017-ci ildə Fransada keçirilən seçkilər faktiki olaraq bunun son  nümunələrindən birini təşkil edir. Bütün bunları nəzərə alaraq biz, təmsil etdiyim Azad Demokratlar Qrupu inanırıq və bəyan edirik ki Türkiyədə seçkilər azad, demokratik və bütün aspektləri ilə yüksək səviyyədə, beynəlxxalq normalara uygun keçirilib. Biz eyni zamanda Türkiyənin Avropa Şurası dəyərlərinə sahib olmaqda davam edəcəyinə inanır və onun bu addımlarını dəstəkləyirik”.

Digər xəbərlər
Dünən
15 Dekabr

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə