Kim Çen In 500 türk şəhidin nəşini geri qaytarır

Kim Çen In 500 türk şəhidin nəşini geri qaytarır
Donald Tramp və Kim Çen In danışıqlarından sonra Türkiyə hərəkətə keçib

Şimali Koreya lideri 500 türk şəhidinin nəşini Ankaraya qaytarır. ABŞ prezidenti Donald Tramp və Şimali Koreya lideri Kim Çen In arasında imzalanan tarixi sazişdən sonra Türkiyə 1950-53-cü illərdə Koreya müharibəsində şəhid olan əsgərlərinin nəşinin təhvil verilməsi üçün rəsmi danışıqlara başlayıb.

Bildirilir ki, Türkiyənin Seuldakı səfiri Ersin Erçin Şimali Koreyaya səfər edərək bir həftə ərzində ölkə rəsmiləri ilə bu barədə danışıqlar aparıb. 

“Görüşlərimizin 2001-ci ildən başlamasının səbəbi o tarixdə diplomatik təmasların qurulması idi. Şimali Koreyanın nüvə silahı ilə bağlı fəaliyyətləri səbəbindən danışıqlar yarımçıq qaldı. Sülh sazişinin imzalanmasından sonra Şimali Koreya ilə görüşlərə yenidən başladıq. Bu ölkədə olan şəhidlərimizin şəxsiyyətlərinin müəyyən edilməsi üçün yaxınlarından DNT nümunələri götürüləcək. Bu nümunələr Şimali Koreya rəsmilərinə təhvil veriləcək” - səfir bildirib.

Qeyd edək ki, ərazidə həmçinin ABŞ və ingilis əsgərlərinin məzarları olduğu üçün proses diqqətli şəkildə aparılacaq və bundan sonra qəbirlərin Cənubi Koreya ilə sərhədə, yoxsa birbaşa Türkiyəyə köçürüləcəyinə qərar veriləcək.

Digər xəbərlər
Dünən
14 İyul

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə