Buffonun hakimə nə dediyi bilindi: Madrid küçüyü

Buffonun hakimə nə dediyi bilindi: Madrid küçüyü
Təcrübəli qapıçı əsəblərinə hakim ola bilməyərək ingilis hakimi söyüb

Ötən gecə futbol üzrə Çempionlar Liqasının 1/4 final mərhələsinin cavab görüşləri keçirilib.

Dramatikliyinə görə “Real” (Madrid) – “Yuventus” oyunu xüsusilə seçilib.

Belə ki, öz meydançasında 0:3 hesabı ilə uduzmuş italiyalılar Madriddə eyni hesablı qələbəyə çox yaxın olublar. Lakin 93-cü dəqiqədə ingiltərəli hakim Maykl Oliver mübahisəli epizodda “Yuventus”un qapısına penalti təyin edib.

11 metrlik cərimə zərbəsinin olmadığını sübut etmək üçün İtaliya klubunun qapıçısı Canluici Buffon hakimlə üzün mübahisə edib və qırmızı kart alaraq meydançadan qovulub. Xatırladaq ki, Kriştianu Ronaldu penaltidən qol vuraraq, komandasını yarımfinala çıxarıb.

Bu gün Buffonun mübahisə zəminində hakimə nə deməsi və hansı səbəbə qırmızı kart alması məlum olub. Qərb mətbuatı yazır ki, təcrübəli qapıçı əsəblərinə hakim ola bilməyərək ingilis hakimə deyib: “Sənə nə qədər pul veriblər, Madrid küçüyü?”

Real TV

Digər xəbərlər
Bugün
Dünən

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə